【講笑變認真？！】小S因為老公一句說話 就黎哂料……

台灣藝人大S（徐熙媛）之前減肥成功，連佢個妹小S（徐熙娣）都一齊加入減肥行列，小S仲拉埋老公許雅鈞落水，估唔到呢日小S喺社交網站話老公減肥成功，仲話一年前笑佢冇腹肌，點知原來佢終於做得到：「一年前我問我老公：『為甚麼你沒有8塊腹肌？』他竟然練出來了！」

擁有腹肌嘅許雅鈞，就轉個身仲大膽到寸老婆點解冇「人魚線」，轉數夠快嘅小S冇畀老公寸親，仲反擊咁話：「現在他問我：『為甚麼我沒有人魚線？』，因爲我是人類！逼好緊啊！老公加瘋狂女教練！」唔少網友都留言叫小S加油，叫佢快啲練到條人魚線，唔好衰畀老公睇！