樂易玲身兼無綫助理總經理(藝員管理及發展)同邵氏電影執行董事及總經理，同則師老公陳君毅結婚廿幾年一直人前恩愛，佢哋同兩個囝囝一家四口係外界眼中嘅幸福家庭。
昔日夫妻經常結伴，家庭幸福。
不過，有報道指樂易玲婚姻破裂，佢同佢老公陳君毅其實2004年已婚姻出現問題，當時樂易玲同兩個仔及媽媽去布吉旅行遇上海嘯，陳君毅以工作為理由未有同行，但因為一場海嘯令樂易玲經歷生死，令夫妻間關係改善。
據報導稱近日陳君毅另結新歡，識咗一個妙齡女仔，令兩公婆感情急轉直下，報道又指陳君毅搬離屋企，要同樂易玲離婚，今個年初三成班藝人去樂易玲屋企拜年，往時佢老公都有喺度招呼賓客，但今年就唔見陳君毅現身。至於樂易玲細仔舊年10月曾於社交網有感而發，話爸爸令到家庭關係破裂，令佢哋感到非常絕望。
大年初三，一班藝人來到樂易玲的家中拜年。
樂易玲的兒子Ryan於去年十月在社交網站留言，可見父親的行為令他深受傷害。
傳媒向樂易玲求證係咪佢老公有第三者，佢同老公要離婚，樂易玲透過短訊回應話：「No!」再問係咪婚姻有暗湧，佢正努力挽救，佢話要答嘅都答晒，之後佢再回應話：「一個項目、一個演員，我都不會輕易放棄……更何況是自己的家庭……人生總會有起伏，婚姻也一樣，不會無風無浪的；有問題時便面對它吧！謝謝關心。」
（mingpaoweekly / Apple Daily）
