俗語有話「有錢唔係萬能，健康先係無價」，年僅26歲嘅張寶兒，有青春有學歷，仲有家底添。有指寶兒嘅爸爸喺跑馬地禮頓山擁有至少七個物業，估計身家達3億港元。
原來寶兒一直都好自卑，自小已經覺得自己唔靚、唔夠完美。
佢今日喺IG寫咗一段長文，話參選港姐後加入幕前工作，其實都係硬著頭皮，佢話：「總是怕大家會注意到我的不完美，漸漸地，我發現自卑開始讓我連自己的優點都否定了，我忘記了自己為甚麼吸引，忘記了自己的美麗。現在我要面對自己的其中一個最大的恐懼、懶惰、自卑，從2018年一月開始，我進入了積極運動歷程。」
寶兒又話經過咗兩個月嘅努力，肥過瘦過，食過減過，最近終於都見到啲成績。
見佢着住sports bra做運動，唔化妝都容光煥發，佢多謝途中不斷鼓勵同督促佢嘅拍檔：「我終於能夠成功回歸港姐時，冇油鹽糖飲食和每天一小時運動的節奏！」雖然寶兒冇講明係邊個，但相信一定有男友袁偉豪份，因為袁偉豪係香港先生出身，鍾意跑步同健身，身型向來都操到好fit。
(蘋果日報)
