【密密築愛巢】巨聲木偶哥同老婆睇減價家品　籌備「婚」居！

2009年參加《超級巨聲》入行的「木偶哥」林師傑，去年底被星夢老闆何哲圖在《勁歌金曲頒獎禮》的慶功宴上，大爆已向女友歐陽巧瑩求婚成功，其後林師傑承認已訂婚，並宣布將於今年11月23日拉埋天窗。近日二人為新居和婚禮作準備，日前結伴到一間百貨公司的家品部挑選好心好。二人刻意保持低調，林師傑戴上鴨舌帽，歐陽巧瑩則戴上漁夫帽，避免途人認出。

不停撒嬌

二人如「糖黐豆」般在場黐到實揀心儀擺設，相當甜蜜。林師傑挑選貨品時比較細心，不時拿起擺設細心欣賞和研究，相反歐陽巧瑩則比較活躍和調皮，不時向男友撒嬌，間中又說又笑，拿起擺設時動作多多，玩得不亦樂乎，男方相當包容兼配合亦玩埋一份。

未幾，二人發現場內有減價專區，即「神同步」一支箭跑到減價區狂睇，相當有默契，可惜似乎不合心水，在減價區未有斬獲。在店內擾攘一輪後，二人各自拿着心頭好付款後離開。