【輸足幾條街】方中信同發哥行山 被拋甩索晒氣！？

藝人方中信接受電台訪問，講到家中有兩隻愛犬，他表示其中一隻是他領養回來，他都認同很多被遺棄的貓狗，所以他都支持領養，而其中一隻唐狗女叫Jesse，方中信稱當日流浪狗中心見到Jesse感覺很怕人，帶牠回家後仍是瑟縮一角，又匿在枱底不敢出來，要差不多經過九個月時間，Jesse才能適應及接受他們。方中信表示Jesse性格內向，就連食飯都好斯文，因食得太慢，就被另一隻愛犬比高搶食，兩隻狗不時都有「狗咬狗骨」。

至於方中信的女兒現已10歲，同樣很愛錫兩隻愛犬，早前他們「一家五口」便去影了一輯全家福，他謂：「其實每兩年都會影一次全家福，而兩隻狗都13、14歲想紀錄一下。」

講到方中信不時和周潤發去行山，可有帶埋狗狗出動？他坦言：「唔帶得喇，我行都覺得好辛苦，佢哋老狗都唔好喇。」方中信大讚發哥行山速度好快，自己就行到索晒氣。