佢直言搵代孕係因為。。。
現年27歲的藍燕近年活躍於內地影視界，不諱言物業「足迹處處」，她說：「確實有幾多物業就唔詳細講，但北京、上海都有，香港有睇過但暫時未買。（事業得意，愛情如何？）之前有兩個求婚者，但父母擔心佢哋做生意搞融資，萬一失敗，可能我嘅錢都冇晒！相反我擇偶好簡單，真心真意。（接受姊弟戀？）冇諗過！如果細我五年，可以談戀愛但唔會結婚，因為我唔成熟，老公智商、情商都要高過我，要我好似阿媽、家姐咁照顧佢，我好辛苦！」
結婚十畫未有一撇，藍燕卻連生B大計都想好，她說：「暫時未定幾時生，但就算生都唔係我生，我會搵代孕！已經喺美國搵緊公司。搵代孕係因為我怕痛，我連紋身都冇就知我怕喇！加上十月懷胎好多嘢都唔做得，否則會有後遺症，而且要我一年唔做戲，應該唔可能，除非有意外。（做足安全措施肯定冇意外？）係，我比較小心。」
(on.cc東網)
