型男古天樂日前為其代言的遊戲現身直播，吸引350萬網民等待觀眾，可惜古仔只在直播中出現10秒，之後線路斷了，即時被網民鬧爆，古仔出席手錶活動，問到此事，古仔堅決地說：「無回應。」
活動上，古仔獲大會贈送名錶，當他拿着影相時手錶不慎跌落地，嚇到O晒嘴！他即時執生指隻手錶防撞，繼又表示自己鍾意儲錶，家中有過百隻手錶。講到擔任演藝會協會會長，他表示感到十分高興，他說：「希望將新動力帶畀大家，同埋都有啲計畫遲啲先公布。」問到有冇時間做會長？他說：「時間係自己掌握，盡量抽多啲時間出嚟。（會唔會減產？）時間可以自己分配。」
古天樂透露剛剛在韓國拍完戲，在零下20度嘅環境之下拍，古仔說：「唔止凍到震，係凍到痛，終於明白暖包係要個人暖佢先會暖，自己都貼咗20幾個暖包但係都冇用。（有冇凍到受傷？）凍到腳板底都損晒。」而新年會放假在香港休息陪家人。
（ON.CC）
