藝人苗僑偉（三哥）、陳瀅、胡子彤及歐鎧淳到尖沙咀出席邵氏網劇《守護神》煞科宴，樂易玲表示劇中演員劉心悠、徐子珊抱恙未能出席，她笑問另一監製鍾澍佳為何女演員拍完他的劇都變病人？三哥在旁聽着，笑言：「心悠知道個劇煞青（煞科），拍晒冇通告，可以病！」
苗僑偉指新年會同戚美珍去探仔女。 
不過三哥就強調唔係避年，佢仲好鍾意派利是添！ 
苗僑偉又搞笑指黃宗澤因為攞唔到視帝而要息影。 
三哥 
苗僑偉、樂易玲 
大合照
三哥表示自己已進入放假mode，他說：「我收爐㗎啦，呢個劇上年10月開始拍，去咗布拉格、馬來西亞、深圳同香港拍攝，尋日至正式煞青（煞科），我放假唞下先，3月先開工。（同三嫂戚美珍二人世界？）會去探仔女，我唔係避年，我好鍾意派利是！（會趕返嚟派利是？）我過完年先返呀！」
爆黃宗澤嗌息影
提到同劇演員黃宗澤缺席，三哥笑言：「佢因為攞唔到視帝，話息影喎！不過過咗兩日又話復出，依家喺內地開工。」
(東方日報)
