藝人姚子羚與唐詩詠同期出道，兼一齊拍攝她們的第一套無綫劇《當四葉草碰上劍尖時》。
談到子羚的遭遇可會跟詩詠相同，人工是否一樣咁奀？子羚稱：「實際幾錢就唔記得，應該冇3千幾咁少，但都唔夠畀錢屋企，所以屋企人都有微言！（好過詩詠？）佢好彩啲，哈哈！有人幫佢加人工喎！我就由低做起，嗰時冇錢畀屋企，細妹未出身，惟有靠家姐，所以嗰時捱嘅日子，有乜辛酸都唔敢同屋企講，好似冇錢買衫出騷，惟有問朋友借衫，但呢啲都唔算慘，而係拍攝時捱更抵夜，碰碰撞撞搞到周身瘀傷，只係自己喊都唔敢同屋企人講，因為條路自己揀！（有冇人幫？）當年有錢國偉搵我拍《四》，之後遇到監製陳維冠、文偉鴻，佢哋將我由柔弱角色轉去演強悍角色，都好感恩！」
(on.cc東網)
