已淡出幕前嘅歌手小雪（原名蔡雪敏），曾經歷過兩段失敗婚姻，直至前年第三度結婚，嫁畀韓籍老公Robin Cheung，據知Robin對小雪同兩名前夫所生嘅一對仔女視如己出，結婚之後一家定居澳州。
近日小雪喺社交網上載一家四口合照，仲留言話：「終於來到今天，心情既興奮又緊張，希望一切順利。」原來佢兩公婆選擇30號喺韓國補辦婚禮，小雪雖然經歷過兩段婚姻，但搞婚禮都係第一次，所以佢覺得好興奮！
其實早喺20號，小雪已經開心上載同老公嘅合照，而將於下年2月就踏入39歲嘅佢仲感性留言指當年曾被批39歲先會真正結婚：「在我大概27歲時記得我參與亞洲電視一套電視劇的演出，在播出前舉行一個記者招待會，還記得當時有位風水命理大師，我問了他幾個問題，其中一條是請問我會在何時結婚？他的答覆是：『你真正的結婚是在你39歲的時候』，當時我有些疑問，甚麼叫真正結婚呢？因為當時我正和我第二任丈夫剛開始拍拖，我心想難道要等到我39歲才和他結婚嗎？經歷了那麼多後，我只相信真正的事實，還有十天，看看是不是你吧…..」
小雪在網上笑言仲有10日，睇睇係咪呢個老公。
小雪的現任老公視小雪與前夫所生的一對子女視如己出。
小雪與老公在韓國補辦婚禮。
小雪與老公將會定居澳洲。
（ON.CC）
