在TVB打工的藝人，連踩是常識吧。之前拍TVB 50周年重頭劇《深宮計》的馬國明，因為要趕進度，結果要連續開工27.5小時！收工之後，劇組才「皇恩浩蕩」讓馬明放假一天，一日只得24小時又怎可以彌補超時工作？
馬明連踩27.5小時，唔係最誇張。（資料圖片）
36小時…仲有96小時…（網上圖片）
馬明這個例子，證明工時太長在TVB拍劇的最大敵人。工作與健康，永遠都是後者最重要。
聽到不少藝人對TVB工時如此卻步，都會有興趣了解大台的福利制度，到底做藝人有無大假放？一年又有幾多日大假？試過做幾耐才可以真正收工？還是要找有「TVB鐵人」之稱的馬國明為我們深入探討。回顧剛播完的台慶劇《降魔的》
拍攝時間為期4個月，而馬明擔正做主角，基本上日日都要返工：「當時冇咩假放，因為《降魔的》大約廿集戲，唔會有好多演員，所以差唔多日日都要開工，變咗都會辛苦啲。不過拍大劇嘅，有多啲演員拆開唔同線，變咗唔使日日開工，咁樣會輕鬆少少。」
不過，馬明拍《深宮計》連踩27.5小時其實濕濕碎，他回憶起N年前曾經直踩4日：「好耐之前我試過連踩8張Rundown，因為張張都有我，呢8張rundown都拍咗成4日3夜，我就踩足咁耐。」On Call 36小時不是夢，因為馬明試過On Call 96小時…至於藝人能否好似其他人般有年假？馬明就話：「呢個行業又好難概括咁講假期呢樣嘢，始終每個人張合約都唔同，好難講你知。不過都好睇自己嘅，當然可以請假，不過返工就唔會有假放…即係嗰日唔使開工咪就係放假囉！」
(hk01)
