藝人馬國明到荔枝角出席活動，為參與聖誕歌唱比賽的小朋友打氣，但馬國明未有獻唱晒歌藝，問到是否想與劇集《降魔的》一眾演員組隊登台？他說：「睇吓公司安排！因為套劇反應好好，又有好多唱得嘅演員，例如胡鴻鈞、譚嘉儀、蔣志光、謝雪心，其實以前《名媛望族》班演員都有一齊去新加坡登台 。（你歌藝有冇荒廢？）都冇嘅，仲有幾首呃飯食嘅飲歌，唱鄭伊健、黎明嗰啲。」問會否跟女友黃心穎研究唱歌？他大讚對方歌藝佳，而且有勤力跟老師學習，自己會請教對方。
未揀好禮物畀心穎
問到聖誕節目，他表示接下不少商場活動搵真銀：「好開心，下套劇三月先開，有時間可以努力搵錢，其中一個活動仲同心穎情侶檔，其實我一直都唔介意一齊出騷，情侶檔開價仲高。」問有否準備聖誕禮物給心穎？他表示尚未購買，但會同時着重實用加心思，問到是否浪漫男友？他笑說：「平時就唔浪漫，但大節日送禮物都會浪漫吓，都要識做，睇下佢平時缺少啲乜嘢，心穎都好好，之前我有啲嘢爛咗，佢會買畀我，好似記事簿咁。（包唔包括內衣褲？）唔係啦！之前有報道話佢買紅色加大碼內褲，但我冇收到喎！冇問佢送畀邊個。」
繼續天然呆
問到今年成為視帝大熱，接Show會否特別開心？馬國明繼續謙虛性格，表示一切平常心：「多謝大家支持，無論嗰年呼聲高唔高都係隨遇而安，都係咁答，其實每年頒獎禮我都係當開Party。（到時會唔會都天然呆？）唔知㗎！可能照天然呆，無論贏輸都有可能，又唔會特別戒甩佢，自然反應嚟，而且觀眾覺得係娛樂，咪娛樂下大家囉！」
馬國明
馬國明出席活動為參與聖誕歌唱比賽的小朋友打氣。
馬國明又恨同劇集《降魔的》一眾演員齊齊組隊登台，唔知會唔會真係有呢個機會呢？
至於成為視帝大熱，馬國明繼續謙虛性格表示一切平常心。
馬國明、黃心穎
(ON.CC)
