藝人陳嘉寶（Anjaylia）出席醫學美容發布會，接受訪問時，表示新婚後到現在都未能回氣，因為有太多朋友由外地返港出席婚禮，所以都要逐一應酬，加上要工作，所以都好攰，笑言：「我爸爸長時間喺內地工作，所以叫我返廣州同佢啲朋友食餐飯，我同老公都有去，但係竟然有十圍，心諗食餐便飯都有十圍，但係都好開心。」
Anjaylia表示同老公暫時唔會度蜜月，因為工作都排到1月。談到新婚後嘅分別，她笑言其實冇乜分別，但自己都有諗吓係咪要煮吓嘢食：「不過依家都要工作，未需要去面對現實住。佢煮嘢好叻，之後啲廚具都係佢用。佢好sweet，搵咗個女室內設計師，老公都問點解佢衣帽間得咁少位，有四分之一係佢，四分之三都係我嘅，好貼心！」
佢話婚後忙到爆！
因為有太多朋友由外地返港出席婚禮，所以都要逐一應酬。 
同老公暫時唔會度蜜月 
咁幾時生B呀？ 
兩口子襯到絕～（資料圖片）
陳嘉寶（Anjaylia）
(ON.CC)
