九頭身美女吳佩慈為百億男友紀曉波誕下三子女，雖然仍未獲賜封為紀太，但前晚由未來奶奶崔麗杰旗下公司主辦的塞班國際電影節開幕，吳佩慈就以「家屬」身份自居，激罕跟男友及未來奶奶同場一家親，吳佩慈全晚風騷滿場飛，笑晒同郭濤等嘉賓合照，但卻謝絕傳媒採訪：「別拍我，我是家屬。」
盛裝出席嘅吳佩慈同未來奶奶坐埋一枱，兩人大方合照，崔麗杰仲上台唱咗首歌《母親》，身為豪門家長嘅崔麗杰，係博華太平洋國際控股有限公司嘅大股東，呢間公司就係塞班電影節嘅主辦機構，電影人下榻嘅博華塞班渡假村酒店，耗資百億元人仔興建，為全球最奢華嘅八星級酒店。為男友生咗三個子女嘅吳佩慈等嫁入豪門，今次可以同未來奶奶同場，證明已經可以融入紀家。
今年中秋踏入39歲嘅吳佩慈，收到未來奶奶崔麗杰送上價約1億元、重達10.4卡、DIF Type IIa質級嘅寶格麗鑽戒，有指吳佩慈為紀曉波四年抱三，短短幾年間，收到未來奶奶送嘅鑽戒、男友送嘅44億元、豪宅等等禮物，輕輕鬆鬆成為50億富婆。
(蘋果日報)
