女星衛詩雅（Michelle）、張繼聰、羅蘭與導演劉孝偉等到尖沙咀出席電影活動，阿聰透露在電影中與Michelle飾演夫妻，因故事涉與患癌女兒生離死別，身為爸爸的他特別有感觸：「舊年聖誕拍架，過咗個黑色聖誕，拍到心臟病！（睇番有冇喊？）忍到，喺個丹田chok住chok住！」Michelle則說：「阿聰佢好幫我，知我冇小朋友，畀我去佢屋企睇佢同仔仔相處，仲同阿Kay（謝安琪）傾偈了解吓懷孕、抱仔嘅感覺、做媽媽嘅心態。」
阿聰又笑言向阿Kay隱瞞劇情，擔心當時佗住囡囡的她聽後會抑鬱，Michelle爆料說：「所以我哋兩個出咗花園傾！（唔怕令阿Kay誤會？）唔會，佢仲同阿聰一齊車我返屋企。（拍完唔敢生仔？）唔會，最近屋企又多咗個小朋友出世，更明白角色嘅心痛。」
講到阿聰太太阿Kay復出，問老婆有否向他表示感到壓力？他說：「冇喎，其實佢係早咗復出，初初預算唔係咁架，要多謝咁多工作邀請佢，佢已經準備咗一個月，跟我個健身教練操弗，成個運動員咁，佢仲約我去舉鐵，我老婆算係典範嚟，大家唔使怕復出唔夠弗。」講到太太抱怨囡囡只識叫爹哋，問會否訓練囡囡叫媽咪？阿聰：「一陣識嗌媽咪又到哥哥呷醋，然後又到爺爺，等佢慢慢嚟。」
衛詩雅（左）、張繼聰同羅蘭一齊出席電影活動。
Michelle就讚張繼聰同謝安琪好幫佢。
雖然上埋屋企傾偈，但就冇畀阿Kay誤會～
羅蘭
新戲入面，衛詩雅同張繼聰就飾演一對夫妻。
張繼聰拍嗰時唔敢同老婆講劇情，因為怕當時佗緊B嘅老婆聽完會有抑鬱。
仲話就算套戲點，都唔會令佢唔生小朋友。
Michelle仲刻意上張繼聰屋企取經！
仲講笑咁話拍到自己有心臟病！
張繼聰又爆老婆操到好弗復出！(ON.CC)
