朱咪咪、阮兆祥同林建煇醫生今日喺九龍灣，為周日假伊館舉行《耳愛傳聲慈善演唱會2017》作綵排，當晚籌得善款係捐助聽障人士，及傳遞關懷弱聽訊息。祥仔曾經試過用綿花棒清潔耳垢時，令耳導受損發炎，短暫影響聽力，自始便不再自行清潔耳導。林醫生認為能夠幫助聽力有問題小朋友，將可以改變他們一生。
今年榮升為奶奶嘅咪咪姐，噚晚先喺新加坡返港，佢指年初開完紅館之後，便全心全意籌備大仔婚禮，佢話:「九月喺香港擺酒，十月喺新加坡，十一月喺馬拉，我又希望大家開心食餐飯，所以自己攪氣氛。」忙完大仔婚禮後，咪咪姐笑指跟細仔相量，提議細仔旅行結婚，費用由佢全包。
(蘋果日報)
