藝人陳豪日前就抽空同老婆陳茵媺去拍拖睇戲食飯，過咗晚浪漫二人世界後，呢日就輪到陪三個細路享天倫樂，真係廿四孝老公兼爸爸呀！
話咁快下個月就係聖誕節，陳豪今日喺Instagram上載咗一張相，見到兩個小王子落手落腳裝飾棵聖誕樹，就連只有1歲幾嘅小公主Camilla都整埋一份！三個小朋友都露出側面，圓圓嘅小臉蛋真係非常可愛！
陳豪就留言：「每逢聖誕🎉🎉都是孩子們最開心的日子☃️☃️ 他們急不及待，同心協力把聖誕樹好好修飾一番🎄🎄不過最期待還是滿滿的聖誕禮物！」
而早前陳豪亦上載咗兩個囝囝嘅拖手相，佢話：「作為父親，沒有什（甚）麼能夠比兒女們相親相愛，和睦共處來得更加窩心😍😍 《哥哥·細佬·手拉手》！」
網民都讚好有愛同溫馨呀！
