陳嘉寶(Anjaylia)今日結婚，半億初戀男友黃頌祈今朝一早就去洲際酒店接新娘。
之後聯同一眾兄弟姊妹及親友，就浩浩蕩蕩坐住遊艇殺入長洲。
因為新郎哥黃頌祈為長洲人，所以都會依足長洲傳統返去祭祖。
唔少長洲居民一早就到碼頭湊熱鬧，兩行夾道歡迎一對新人。
Anjay同老公均穿上中式禮服，見Anjay頸上戴住一隻小金豬，兩隻手臂就戴住4-5對好粗嘅龍鳳鈪，依足習俗坐上花轎，並由新郎哥踢咗三吓橋門，之後就揹住新娘子返男家向長輩斟茶。
期間要上一條好長嘅樓梯，好彩嘉寶夠輕身，相信新郎哥辛苦得嚟都應付。
之後一對新人就會去教堂舉行婚禮儀式，沿途唔少街坊都有拍照，非常熱鬧。
（Apple Daily）
