關心妍同老公楊長智相愛十一周年，佢哋兩公婆約咗蔡一智同太太周雪芳出嚟慶祝。
因為咁啱今年係蔡一智同周雪芳結婚十一周年，兩位人妻都收到老公送嘅鮮花，認真幸福！
關心妍喺社交網發文話：「雖然每年都講，雖然講了十一年，但還是要感謝你們倆（蔡一智和周雪芳），將這幸福Yangjonas介紹給我！Happy 11th Anniversary！拍拖十一周年快樂 ，結婚十一周年快樂。」
其實十一年前係蔡一智夫婦介紹楊長智畀關心妍認識，促成咗呢一段咁幸福美滿嘅姻緣！
楊長智亦有發文表示要多謝蔡一智和周雪芳：「祝你們結婚十一周年快樂，多謝關心妍。拍拖十一周年快樂， Alllove。」
(on.cc東網)
