為咗BB健康，唔少媽媽都會記錄BB每一日食咗幾多餐、有幾多次大小便，睇下BB有冇啲咩唔舒服，可以及時發現。
但講到點樣記錄，可能好多媽媽都會就咁手寫或者記落手機到就算。
而家愈嚟愈多媽媽都選擇餵母乳，媽媽會記低幾時餵同埋餵咗幾耐，但往往好多時都喺半夜或者係街外餵，難免有時會記唔齊，想有系統咁記錄BB嘅成長過程，就可以睇下以下兩個APP。
呢兩個APP分別係「Baby Tracker / 寶寶生活記錄」同「寶寶成長全記錄」，點解會推介呢兩個APP呢？因為佢有哂成個配套畀媽媽記低BB幾時飲奶、大小便、瞓覺、打針，一目了然。
餵食仲可以記錄究竟係埋身餵母乳、泵完餵奶、奶粉定係輔食，更可以幫媽媽計埋時睇下餵咗幾耐，唔洗自己計又計得唔準，下面仲見到可以Mark埋幾時泵咗幾多奶，認真方便！！
另外，”寶寶成長全記錄”亦可以較通知提示幾時打疫苗或者其他注意事項例如食藥等等。
最重要係兩個APP都係免費㗎，快啲TAG埋其他媽媽入嚟睇下啦！
(APP STORE)
