歐陽靖（MC Jin）早前以「Hip Hop Man」身份，亮相內地音樂節目《中國有嘻哈》後人氣急升，工作接踵而來。
雖然忙到爆，但MC Jin都冇忘記太太Carol嘅生日，抽空為對方慶生，仲喺社交網上載合照放閃。
相中見佢哋兩公婆頭貼頭合照，Carol手上仲有一大紮鮮花，邊個送嘅？當然係老公MC Jin送啦，佢仲準備埋蛋糕慶生，相當有心思。
MC Jin仲講埋「愛的宣言」冧老婆。
「如果冇一個美麗、聰明同迷人嘅Hip Hop Wife，就冇Hip Hop Man出現。一個真正了解我，比我更認識我自己嘅人，祝你生日快樂。如果冇你喺我身邊，我嘅旅程就冇意義。」
（on.cc 東網）
