洗米華早前去英國陪Mandy Lieu，二人着晒黑衫look行街，之後又被讀者影到洗米華同Mandy喺倫敦機場現身，原來洗米華同Mandy係同機出發，不過就係分道揚鑣，Mandy獨自離開倫敦外遊，而洗米華就去join家人嘅聚會，一齊歐遊享受家庭樂，一家人去玩，兼準備大女周梓潼（Virginia）喺英國開學嘅嘢。
今日洗米嫂Heidi喺facebook貼咗唔少家庭相，留言：「我家寶貝終於大個女，離開我身邊去讀書了，生日快樂！記得錫自己呀！一家人永遠愛你！齊齊整整，光明正大，love you always baby~」相中見洗米華笑晒，大婆Heidi亦揚言一家人係光明正大，暗寸Mandy連日疑似流出多張自拍照所為。據知洗米華呢幾日一直陪住家人，點知噚日周刊報道就刊登出洗米華同Mandy咀嘴相，估計係上個星期影嘅舊相。
(蘋果日報)
