上緊位嘅小生張振朗，喺今年5月俾周刊爆出佢同女友。。。
上緊位嘅小生張振朗，喺今年5月俾讀者透過周刊《爆相爆片》，捕獲佢同女友陳芷尤(Apple)去咗荷蘭阿姆斯特丹市旅行，事後張振朗回覆傳媒話：「多謝關心，我哋玩得好開心。」呢段地下情終於曝光！
今日有周刊報道話張振朗同Apple雖然低調戀情事，不過私底下好鬼sweet，拍拖3年都仲係熱戀期，張振朗喺上個月生日時，專登飛咗去新加坡，一方面搵埋女友慶祝生日，另一方面仲見埋家長，本來佢哋諗住將呢件事低調處理，但最終都有拍拖相流出！張振朗事後接受周刊訪問，話女友喺新加坡拍戲，所以飛過去探吓班，亦都有同啲朋友、屋企人食吓飯，講到公司有冇施壓要低調，張振朗話公司俾好多自由，冇阻礙拍拖，大家亦有共識，暫時會以工作為先，唔想次次出嚟都係講戀情，搞到人哋以為佢掛住拍拖唔做嘢！
(蘋果日報)
