孫慧雪（阿雪）與圈外丈夫在2016年結婚，翌年誕下大仔Riley。現年40歲的她早前在社交網報喜，宣佈懷上第2胎，獲不少圈中好友及網民送上祝福！
事實上，阿雪曾被醫生指她無法生育，她花了很多時間及調理才能成功懷上孩子。早前她公開分享生仔秘技，阿雪在35歲時誕下囝囝Riley，如今兒子已經六歲大了，而且非常健康！
阿雪當年因為有個8cm大的子宮肌瘤，醫生曾經狠批她無得生，她即在醫院爆喊，整個人像跌入落黑洞似的，但因為她好想要小朋友……
【原來開場前已出事】慘被炸耳HANA菊梓喬現身交代病況：醫生叫我好好休養
結果阿雪用了好多方法，又打停經針，又打排卵針，每個時期都用了不同方法，試了半年左右，雖然時間不長，但過程好辛苦。
「嗰時要不停做檢查，因為我個瘤係一個月大1cm，最後我要打停經針，打到有個假嘅更年期，嗰個更年期真係好真實，我依家明白咩叫潮熱，個潮熱真係好似海潮咁，有時突然個人覺得好熱，成塊面紅晒，但過一陣就會退，但一陣又嚟，當時因為我拍緊劇，到我講對白時，我突然潮熱，我冇得同個導演講：『我唔係緊張，我潮熱。』我keep住打咗半年，醫生話我咁後生打呢啲針，遲啲會有啲後遺症，佢話你最多打6支，但我打咗7支，因為套劇仲拍緊，打完個瘤真係縮細咗，咁就可以有機會有小朋友，但因為女性賀爾蒙又停咗，結果我又要打針，要有番月經同卵。」
訪問期間，阿雪更大爆閨房事，還借機教一眾女士生B秘笈：「做完之後唔可以落床，對腳要向上，要keep住幾個字，最爆係講畀我聽嘅人係我阿嫲囉！我一結婚我阿嫲就同我講一定要記得呀，佢捉住我，我以為有咩緊要嘢要同我交代，結果佢係同我講對腳記得要向上！」
（綜合報道）
