年度盛事《萬千星輝頒獎典禮2022》於今晚（8日）舉行，著名演員余安安和葉童負責頒發「最佳女配角」，結果由蔣家旻憑《美麗戰場》「反骨琪」一角，揮低羅毓儀﹑劉穎鏇﹑姚子羚和郭柏妍，首次獲此獎。
【萬千星輝2022】大熱宣佈缺席頒獎禮 媒爆視帝視后最終結果
表現淡定的蔣家旻謙虛地說：「好多人覺得我行得比人哋慢，但我喺訓練班出嚟，真係望住好多師兄師姐一步一腳印咁樣行出自己成就，佢哋令我明白到堅持嘅可貴，如果冇過往經歷，唔會一次又一次超越自己，我會繼續帶住演戲熱誠做好我自己中。」
台慶劇《美麗戰場》去年播出，每一集都引起網民熱烈討論。蔣家旻於劇中演鍾家琪一角害人終害己，被李成昌強姦，令觀眾非常深刻。
蔣家旻曾接受傳媒訪問，她說為了拍攝這場被強姦戲做足功課，表示拍得非常辛苦：「雖然大家所睇嘅只係幾分鐘，因為尺度關係剪咗部份戲份，所以睇落唔係咁激，但係被強姦嗰場戲係要嗌破喉嚨，導演要求係要我嗌到隔離房都聽到我不停嗌救命，所以我塊面、條頸同手爆紅又露晒青筋。」
（綜合報道）
