《2022年度叱咤樂壇流行榜頒獎典禮》昨晚在亞博舉行。叱咤樂壇我最喜愛的男歌手，MIRROR成員盧瀚霆（Anson Lo）揮低隊友姜濤，首次獲得此殊榮。
他表示感到很意外，加上去年的搞笑事件，當林海峰宣佈他獲獎時，他多番再三確定不是被玩才敢上台，喜獲粉絲和觀眾認同，在他來説此獎是打了強心針。
【通關在即】專家料本港將每日有20萬人染疫 3大建議減爆發風險
林海峰在今早（2日）電台節目《在晴朗的一天出發》也提到昨晚頒獎事件及其過程：「Anson Lo噚晚問我『係咪真㗎？』，其實有趣㗎，我今朝早睇報道先知，佢喺台下問咗一句『真㗎？』，實不相瞞，我年紀太大，老花又散光，只望到台下有堆人，見到好多白色嘅人（指MIRROR），好似太空漫遊咁，我都唔知佢哋邊個打邊個。」
他續說：「我諗如果唔同年紀會答唔同嘅嘢，我20幾歲時，我會話『係你呀，係真㗎，努力呀』，50幾歲嘅我，都唔知點答，我可能會答真真假假有乜所謂，何為真？何為假？佢問我個問題唔係咁簡單，『真㗎？』…遊戲規則﹑頒獎禮﹑化妝﹑服裝﹑燈光，我諗我應該點答……」
「後來Anson Lo上到台問我，可能好多人唔知，佢問『係咪要落返去㗎？』意思『係咪真㗎，會唔會要我落返去㗎？』，喺嗰個位，我回程時諗咗好多，佢問我『會唔會落返去呢？』我諗點解會唔會落返去呢？其實上到嚟係你靠自己點樣己Hold住個位，因為係『我最喜愛男歌手』，上落必然有，我當時答佢四個大字：『好好享受』，落唔落去都係靠你自己。」
【元旦報喜】流產1年後同月同日終懷孕成功：超級開心感動，我們知道小天使回來了
就是這四個大字，令Anson Lo終於放下疑心及強烈不安感，拿取他入行以來首個「我最喜愛男歌手」獎項。
（綜合報道）
