藝人江若琳（Elanne）與老公蕭唯展結婚4周年，努力4年後終於造人成功，即將由二人世界變成3人小家庭。
Elanne接受傳媒訪問時表示，當自己看到驗孕棒兩條線時完全不相信，還覺得自己是患了新冠肺炎：
「因為我哋不斷喺失敗中徘徊，每一次都係失望，所以今次見到係兩條線，我都有一刻懷疑自己係咪中咗Covid，哈哈，完全唔敢相信。」
Elanne腦中一片空白，然後拿著驗孕棒問老公，結果二人「一齊Load一Load呢個畫面」老公蕭唯展第一個反應是眼濕濕的，然後不停跟自己說要冷靜。
蕭唯展向大家報喜之餘，還透露自己的精子不合格︰
「結婚4周年了，身體健康夫妻和睦冇乜鬧交，多謝老婆。依家我嘅心情就好似美斯攞咗世界盃咁﹗我哋四年前嘅今日結婚，我望住好多小朋友喺我嘅婚禮入面跑來跑去，好可愛，好希望快啲有一個我哋嘅BB。點知……努力咗四年，中間試過好多次失望，醫生話雖然我靚仔，但精子唔合格，好難有BB。但係我習慣咗只要有夢想，凡事可成真嘅理念。首先檢討一下自己，重新建立一個健康嘅自己，戒咗煙，不停跑步做運動，食健康啲。終於四年後嘅今日，我哋成功攞到世界盃喇﹗多謝老婆，多謝每一位提供過良方畀我哋嘅朋友﹗」
（綜合報道）
