【二人現時關係…】李佳芯罕有談及前度陳炳銓 透露6年情分手真相

Ali自言直率、說話沒尾音，加上自幼被媽咪嚴禁做出惹人誤會舉動，故對不感興趣異性獻殷勤，會即刻落閘，亦從不覺自己多人追，Ali說：「如果係我鍾意嘅，唔使追我，我都會成日黐住佢，一唔鍾意嗰啲，就會『得啦，唔使呀，我自己拎啦』，我就已經男人上身，好驚畀誤會人。」

Ali又指希望另一半能夠了解及支持自己：「我一直畀人感覺硬淨，好易令男友覺得我唔需要佢，因為我唔嗲又唔識氹人，依家學識就算一句：『搞唔掂呀，冇咗你唔得』，佢可能已經好開心。」

Ali鮮有公開與舊愛分開真相及二人現時關係。她坦承雙方之間許多問題已醞釀多時，及後因疫情關係，相處時間變長，令問題浮面及必須正視。

Ali續指與前男友自2020年分手後「再見亦是朋友」，雙方至今仍保持聯絡：「我好感恩用咗第2種方式同佢做朋友，去維繫番呢段感情。」