藝人馬德鐘早前接受電台訪問，成功減掉20磅的他表示現時跟30歲時狀態一樣，但未算最FIt，還需要時間鍛煉肌肉，他指因瘦身而引起不少網民的熱話……
他表示：「有人問我係咪有病，有人話我整容，因為冇咗水腫，個雙眼皮深咗，呢個好難，整容醫生都整唔到。」
馬德鐘受訪時大方分享減肥方法：「我係食最佳營養嘅化學膳食，我唔食肉，食豆同種子，我已經Keep咗8個月，一直冇病過，皮膚同呼吸道過敏問題都改善咗。」
他坦言之前因經營食肆難免應酬，因而肥了10磅，但自從食肆結束後，體重已下降。問他是否不會再投資食店？他坦言：「唔會，因為開餐廳令我冇咗生活，而且出面嘅嘢食太多反式脂肪。不過我都有出去同朋友打邊爐，我會揀啲清湯同菇類，都食得好開心。（唔會間中想放縱吓食肉？）身體好叻，吸收咗足夠營養就唔會想食其他。」
（綜合報道）
