林芊妤（Coffee）早前為圈中好友陳敏之的YouTube頻道擔任嘉賓，自從離開TVB後，Coffee開創瑜伽事業，成為首屈一指的人氣YouTuber，越來越受歡迎。
影片中罕有重提舊事，Coffee說：「嗰陣公司叫我解約走，嗰刻我係好唔想走，覺得只不過係一次意外，我都唔想發生，之後有好多人同我講，嗰件事（殘厠Gathering）幫咗我，我覺得啲人咁講好傻，唔係嗰件事幫我，係瑜伽幫咗我，係之後行嘅路幫咗我先真。」
在人生最低谷時，Coffee坦言表示當時想過輕生：「好難捱，諗過輕生，會唔會食多幾粒安眠就咁瞓咗就算？但係最後諗咗，覺得要承認自己做過嘅事，接受自己，唔好太過在意別人對自己的評價，因在別人眼中你只係茶餘飯後話題！」
【拍拖20天閃婚 汪小菲曾救回太太一命】大S生育多次闖鬼門關 第2胎險喪命入ICU 第3胎須終止懷孕
Coffee續說：「以前我以為流言止於智者，但老公令我明白，有時啲嘢要自己出聲捍衛！有一次我同老公搭的士，我戴咗口罩……司機自言自語話『好似Coffee咁囉！你睇佢一件咁嘅事就紅到咁』」期間該名司機還言之鑿鑿表示「嗰時唔知見佢瞓過幾多男人！」
下車後，老公好嬲地問她爲何不反駁對方：「佢嬲嘅係我唔識保護自己，而重點係，保護唔到自己又點保護到個仔？我當時即刻想喊，我咁軟弱，將來囝囝學晒我，畀人打畀人鬧都唔敢出聲，咁一定唔得！我終明白有啲嘢要自己講出口，勝過人哋講一百句！」
（綜合報道）
