賭王何鴻燊三房千金何超蓮早前出席玩具活動，超蓮表示玩具陪着她與弟弟何猷啟一齊成長，指因為孖生大家互相玩對方玩具。她被問到童年時是否擁有好多玩具時，言談間竟然透露了媽媽嚴格的管教方式！
她向傳媒否認兒時隨時可以得到好多玩具，她謂：「一件玩具玩到爛先會有新，因為我同細佬搶嘢玩，太多唔會珍惜，或者考到一百分媽咪先會獎勵一個。」
雖然超蓮出身於大家族，但坦言兒時沒有太多玩具，必須有好成績才有新玩具~
記者又問到那爸爸何鴻燊呢？她就回答：「爹哋唔同，我諗起有次生日，爹哋買咗幾袋玩具畀我哋，但細佬曳媽咪充公晒啲玩具，我係受牽連嗰個，有咩要一齊罰。」
「（孖生都幾慘？）咁又唔係，我哋邊個被人打Pat pat時，另一個會開定凍水畀佢浸。」
超蓮又謂因為屁股多肉，所以受打屁股的懲罰次數算最多。問到爸爸何鴻燊有沒有幫媽咪手，一同打兩姊弟？
她說：「爸爸會話咁我幫手打，但就打得好細力。」從超蓮的對話中，似乎賭王何鴻燊的管教方式較三太陳婉珍寬鬆。雖然媽媽管教比較嚴厲，但兩姊弟如今都非常懂事，超蓮積極參與慈善活動，而弟弟更已經成家立室。
(綜合報道)
