【心情輕鬆晒】已知BB性別但未改名 羅仲謙講起BB笑笑口

羅仲謙與楊怡結婚多年，終於造人成功，日前於社交網公布喜訊，這位準爸爸已經頻頻現身笑笑口。
今日，羅仲謙由寓所驅車前往GYM房做運動，落車時他心情超靚，向記者揮手，又見他全程戴着口罩，但都無阻他的喜悅之情。
問到太太佗B情況，有沒有不舒服等，他說：「冇咩唔舒服，托賴！（知道仔定女未？）知道，遲啲先公布。（改好名未？）呢啲要問吓長輩。」
即將升呢做爸爸，謙仔心情都特別好，全程笑笑口。守了很久的秘密終於都可以大講特講，心情特別輕鬆。
(綜合報導)
閱讀全文
SHARE