近日因為武漢肺炎而令全球鬧口罩荒，香港巿民更加要撲米、撲廁紙、撲消毒用品，就連一眾太太都未能成功買到的時候，突然有位一家之主竟然能夠「靜靜雞」買到！？
麥雅緻今日就在社交網貼出老公張頴康捧着一條12卷裝廁所等日用品的「型仔相」；
她說：「張生今日嘅戰績！話說屋企廁紙剩番三卷，米就剩番少量⋯ 咁佢就話今朝佢早啲出去啦⋯ 超市開8點，7點半夠早喇卦⋯ 點知佢話去到已經有3、40人（大部份工人姐姐）排住隊等入去⋯ 一開門好似喪屍咁衝呀跑呀⋯ 佢話唔忍心摧毁自己嘅形象所以冇喪跑⋯所以只係買到一包2公斤米⋯下晝佢好頹呀！黃昏再出動去買餸⋯ 憑着佢迷死人嘅一雙眼睛（戴口罩鬼睇到你個樣）同親民無粗口嘅個性，終於⋯ 藥房阿哥喺人少少嘅情況下，靜悄悄攞咗條廁紙出嚟喇⋯ 嘩！張生好開心呀！佢話唔需要再諗住要慳而用兩格廁紙啦⋯ #冼手液超市上咗架即幫朋友買 #細包紙巾開箱買到 #咁樣買嘢係咩玩法」
身為一家之主的張頴康經歷這次經驗之後，相信為了家人都應該不會再顧着自己的形象，與工人一齊「鏈」過！
就連這對明星夫婦也跟小市民一樣，為買日用品都非常苦惱，撲日用品撲到頭都大，希望疫情能快點完！
(綜合報導)
