藝人劉愷威、楊冪前年宣布離婚，去年楊冪就被指撻着內地小鮮肉魏大勛，大家都捕實二人幾時公開戀情，點知早兩日卻傳出已經分手，霧水情緣話咁快就散。
相反一直都係以單身寡佬見人嘅劉愷威，尋日就同第七期藝員訓練班同學搞25周年聚會，仲笑晒見人，真係睇見都知佢一身輕呀！
今次聚會都算非常齊腳，就好似劉愷威、吳家樂、張松枝、陳彥行、梁雪湄等，不過就獨欠陳展鵬一人。
而佢哋一行12人更加瘋狂留倩影，梁雪湄喺社交網晒相，一大班人係咁合照，當中就見到劉愷威Chok到行現身，其他男士都佬味十足，係佢一個特別嫩口，果然Keep得好，而陳彥行更帶埋愛犬示人，真係Warm到爆呀。
梁雪湄就留言感嘆時光飛逝：「時間匆匆，一轉眼原來已經25年，但是感覺仍舊像昨天， 這份難得的友誼，大家都真的很珍惜❤️❤️❤️」
(on.cc / 綜合報導)
更多報導：
【武漢首宗肺炎死亡病例】陳肇始：今與專家討論 https://bit.ly/2FEFJLS
【保良局2小學生患肺炎】強調事前無去過武漢 https://bit.ly/35Jrv6X
【囝囝馬在驤大騷胸肌！】令馬德鐘都立定目標操練 https://bit.ly/2FGANG1
【一笨賊遺下銀包】七賊尖沙咀搶劫商人擸走逾千萬元 https://bit.ly/30bvF6m
