張慧儀日前為兒童心臟基金會拍攝網絡短片，盼公眾關注兒童心臟病，得到公眾更多的支援。張慧儀的養子張晃維（Hanson）患有先天性心臟病，過往曾接受手術以延續生命。
作為一名心童家長，張慧儀十分清楚心童家庭所面對的困難：「我好記得Hanson推入手術室嗰日，我好似拍戲咁，食唔安坐唔定，呢種感覺我記到今日。直到手術之後，佢喺深切治療病房，到慢慢穩定，成個過程我相信只有相同經歷嘅人先會明白呢份心情。」
張慧儀於2013年成為兒童心臟基金會會員，多年來關注基金會的發展，現在更加入了執行委員會，她呼籲公眾關注心童發展及需要…
「作為父母一定會感到非常忐忑，既清楚手術係『非做不可』，亦知道當中涉及風險。面對前路嘅不確定，如果得到基金會嘅資深家長同醫生團隊協助，相信都可以減輕心理上壓力，作為過來人，我都希望出一份力。」
由於自己曾接受基金會的服務，加上Hanson的經歷，令張慧儀明白到「同行者」的重要性：「我好感恩Hanson今日可以好似手術前一樣咁健康，但過程中我見到有啲小朋友需要更漫長嘅康復過程，我諗係咪上天給予我一個使命，讓我透過自身經歷，回饋給更多同我有相似經歷嘅家庭。」
