【地位仲低過工人】準爸爸林子善停工為妻女：已經為老婆準備好一切

林子善凌晨宣布榮升做爸爸，太太順利誕下女兒，今日他現身東區醫院探太太，並手拿一包大棉花。

子善接受訪問時難掩喜悅，他透露太太昨晚十時半左右入院，未夠十一時便入產房，由零度開到六度只花了十分鐘，連護士也讚快，花了廿五分鐘便完成分娩過程；

他表示：「我太太好怕痛，原本諗住開刀，但醫生話佢之前割過大腸開過刀，無謂再捱多刀，一直建議佢試吓順產，佢最後冇用麻醉藥亦冇用無痛分娩，只係用咗笑氣，BB真係好幫手。（你有冇開心到喊？）我冇喺佢面前喊，怕影響到太太，但護士叫我去隔離床嘅時候，我就喊到流晒鼻涕，口罩都濕晒，因為覺得好無助，自己成件事幫唔到手，所以母愛真係好偉大，大家要錫媽咪。」

不過就提到自己可惜未能幫手剪劑帶而有點失落，林子善直言想剪：「但助產士好快手，佢已經剪埋。」

他透露BB重6.292磅，非常精靈，望住太太時眼仔睩睩，還稱BB鼻子像媽媽，而樣子整體像自己；同時已經請好工人姐姐和陪月會支援太太，自己則一早停了工，準備一切照顧好太太為先要。

不過子善則笑言太太已經叫他快快開工賺奶粉錢，但他現時只想陪着太太和BB而未有打算再開工，最後還自嘲自己地位低過工人姐姐，像個屋企管理員兼保安。