高齡媽媽車婉婉經常在社交網跟大家分享湊仔生活和心得，尤其是貼她的2歲半囝囝Justus（乳名BBQ）的生活照，不少網民都見證著可愛BBQ成長之路。
今日她貼出囝囝腳趾受傷後，引致發炎又紅又腫的相，看見張相都感到痛，真是痛在兒身，痛在母心。
44歲的車婉婉，17年3月生了兒子BBQ後，她經常在社交網以「高齡日誌」分享她的湊仔點滴。今日她貼了BBQ腳趾受傷的相，並留言講述囝囝受傷經過，她說︰「由於BBQ先生之前用極速將腳趾公踢咗埋牆角，內傷瘀咗好耐，跟住上星期成塊趾甲仔有脫落跡象，仲係咁流血，Q MaMa就幫佢剪好，貼上膠布，諗住無事啦！」
怎料昨晚BBQ的腳趾出現紅腫情況，她留言︰「點知昨晚發現佢隻腳趾仔做咩又咁紅又腫晒嘅？仲流血添⋯⋯BBQ係咁話比Ma Ma知好痛，都係去比醫生睇睇穩陣啲，醫生話明顯係超級發炎，如果塗兩天藥膏發炎情況没改善，便要口服抗生素，咁大件事？」
車婉婉還透露BBQ從未食過抗生素，她留言︰「BBQ未食過抗生素㗎喎⋯⋯去睇完醫生打埋支針，BBQ先生進入阿呆狀態，趁佢瞓咗幫佢快啲搽多啲藥膏先，希望藥膏work，唔洗食藥啦！Please….」雖然看相都感到BBQ好痛，但他去到診所睇醫生時，氹到姑娘姐姐好開心，車婉婉留言︰「佢去到醫務所好大聲叫啲姑娘（豬羊）㗎，搞到啲姑娘巧開心添。」
希望BBQ快點康復吧！
（facebook / 綜合報道）
