藝人黃心穎偷食人夫許志安後，形象大插水。之後一直冇蒲過頭。
佢主演嘅劇集《牛下女高音》亦都受「安心事件」影響，經歷被抽起，依家重見天日，仲有五集就大結局。
佢喺IG上載《牛》劇本相並留言：「願大家一切安好《牛下女高音》經歷了被抽起、傳言要重拍、之後決定唔重拍、到最後成為了台慶劇，我實在有太多感受… 除了好開心最後能夠原裝版本播出，我心裏一直最大的感覺係『我好驚』：我好驚因為我而影響到《牛》劇的成績、我好驚會白費了大家的心血… 只餘最後五集，我衷心多謝促使《牛》劇有機會播出的每一位，也要多謝收看的您們，更要多謝劇中對手和同事們的體諒。願大家一切安好。。」
心穎對上次喺IG留言係4月17日，事隔7個月，終於再蒲頭！
