Angie一向揚言恨生小朋友，今年七月於社交網上載凸肚相宣布懷孕22周，唔少網民都替呢位準媽咪興奮！
近日Angie晒出多張惹火辣媽大肚相，作為Model嘅佢毫不吝嗇以全裸大晒高瘦平身材，見其手臂依然纖瘦，完全無孕婦水腫嘅情況，而懷孕30周嘅佢肚大如籮，正宗肥肚唔肥人！
Angie仲換上多個造型，如皮褸、豹紋外套等，Rock味、狂野風格樣樣齊，模特兒出身的她使這幾張大肚寫真非常有性格！
Angie曾經喺社交網限時動態上載一張三年前嘅舊照，當時佢同Ana R.及Lisa S.合照，估唔到三年過去，三位名模都已經成為人母。
來自馬來西亞的名模Ana R.師妹伍靜麗（Angie）活躍於香港，一直好恨生小朋友，如今得償所願，目前懷孕30周。
Angie接受東網電話訪問，開心表示懷有B仔，又透露與男友拍拖3年多，一直都希望有小朋友後才結婚，說：「我哋啱啱訂咗婚，依家最重要BB健康，等佢出世之後先諗婚禮。」
Angie仲話稍後會影一輯正式嘅大肚相，到時唔知會係咩風格呢？真係好期待啊！
(綜合報道 / IG)
