近日內地傳出有一對藝人即將公開戀情嘅消息：「七夕被拍到的一對兒在女星生日時公開。」
之後再補充話：「該女星之前婚姻口碑不好，會等一段時間公開。男星路人緣還可以，七夕試水路人反應還可。團隊在準備。」
在種種提示之下，唔少網民都推測係早前喺七夕被影到着住情侶裝睇展覽嘅楊冪同魏大勛！
楊冪同魏大勛最近被影到睇展覽~
仲著曬情侶裝鞋~
成件事爆料者未有提供進一步證據，網民即時搜查吓有無相關嘅蜘絲馬迹，喺魏大勛嘅微博發現佢留言話：「9月12日，花好月圓的日子，我預感願望一定都會實現！」
網民第一反應係9月12日正正就係楊冪33歲生日，佢之前講過話迷戀楊冪超過10年，套落佢嘅留言「願望實現」…
馬上就覺得兩人宣佈拍拖此事好似好合理，但其實佢嘅微博係配埋一張電影海報，留言只係話套戲喺9月12日終於上映。不過唔少網民都堅信佢哋會公開戀情，究竟消息是否屬實，大家十日後就拭目以待！
(綜合報道)
