兩位前港姐冠軍星媽陳茵媺（Aimee）琴日就帶埋仔女去馬場試閘嘉年華，陳茵媺大仔陳梓燁、二仔陳浩鋒同嬧女陳凱婷都襯好晒紅色衫，睇到媽咪陳茵媺好有心機！
而琴日另一位媽媽劉倩婷都有帶埋囡囡出席活動，佢抱住囡囡同一拖三嘅陳茵媺影合照，兩位港姐冠軍帶埋仔女合照，畫面好有愛！
劉倩婷接受東網訪問表示佢哋有玩得非常開心，但由於天氣太熱，玩咗一個鐘後就去返室內食嘢，佢講笑話：「我個吊帶都幾乎熱到溶呀，不過咁熱就真係就嚟中暑！」
而佢嘅囡囡同陳茵媺嘅囡囡年齡只相差一個月，所以玩得特別投契。
講到陳茵媺囡囡Camilla好貪靚，劉倩婷就話：「係呀！我都會買同款裙畀陳茵媺個女，等兩個女仔可以一齊着。
陳茵媺囡囡Camilla曾經試過扮Elsa公主，同媽咪一樣咁靚~
劉倩婷又被問到有無諗住同Aimee對親家：「哈哈！小朋友最緊要玩得開心，我個女對住男仔怕醜呀！但如果有呢個好朋友做親家，當然都好開心啦！」
看來劉倩婷對Aimee仔仔印象唔差喎！大家覺得怎麽樣?
（綜合報道 / on.cc）
