無綫劇集《包青天再起風雲》已經播映咗兩個星期。唔少人都覺得譚俊彥嘅演出唔錯，而視后胡定欣有幾好戲就更加唔使講。但當中譚凱琪所飾演嘅沈青，雖然只喺其中一單案件嘅主角，但就被讚好戲！
譚凱琪所飾演嘅沈青，相公娶佢只為傳宗接代，而且相公科舉落第後想出家拋低沈青；加上家中長輩又對沈青唔好，所以最後殺咗相公。而真相過咗幾年都畀人拆穿。沈青認罪嘅一幕，網民都讚佢喊得好到位，仲讚佢愈來愈好戲！
其實睇翻譚凱琪呢幾年嚟嘅演出，唔少都做得好好，角色多變之餘最緊要喺夠放！
譚凱琪喺《EU超時任務》中飾演「水晶梨」。
《致命復活》裏面飾演「郭卓詩」。
《不懂撒嬌的女人》入面飾演失婚媽媽Annie，飾演外剛內弱嘅女人都一樣得！
拍完《平安谷之詭谷傳說》之後，仲同與陳凱琳、龔嘉欣等等組成「少婦聯盟」。
《大帥哥》入面，更將間諜嘅特質發揮得淋漓盡致。
上星期播出嘅呢集《包青天再起風雲》，網民激讚譚凱琪演技好好！
今次最佳女配角仲唔喺佢！
