【低頭族注意】長時間玩電話會引致口臭、增加肥胖風險？

玩手提電話時間太長會形成眼睛疾病、疲勞眾所周知，但原來長時間玩電話壞處仲有好多，例如小至口臭，大至會增加肥胖風險同提高罹患心血管疾病嘅機率，沉迷玩電話嘅朋友要留心睇落去！

根據日本節目《令林老師驚訝的初耳學》，長時間使用手提電話原來會造成口臭。由於長期作低頭的動作，會壓逼住唾液腺，引致未能分泌唾液而口乾，細菌因此繁殖，造成口臭。實驗指出，普通口臭數值不高嘅人，在2小時玩電話後接受口臭檢查，數值有上升嘅可能性。

改善方法

要防止口臭嘅話，醫生建議30分鐘至1小時遊玩後，可為顎下嘅唾液腺做按摩、飲水補充水分、或吃香口膠以分泌唾液。

另外，美國心臟病學會（ACC）研究顯示，減肥除咗飲食管理與運動之外，亦要注意玩手機的時間，如果每日花超過5個小時，將會增加43％嘅肥胖風險同提高罹患心血管疾病嘅機率。

根據哥倫比亞西蒙玻利瓦爾大學（Simon Bolivar University）研究，發現每日使用手機超過5個小時或者更長時間嘅人，罹患肥胖嘅風險增加咗43％；與此同時，26％嘅超重者同4.6％嘅肥胖者每天花在手機上嘅時間都超過5個小時。

而且由於活動力比一般人要少，喝含糖飲料、吃速食、糖果和零食嘅可能性係其他人嘅2倍。

（on.cc）