藝人張頴康與太太麥雅緻及女兒到荃灣出席《銀屑閃跑》活動。
患有銀屑病十一年的張頴康自言已經康復了九成半，最差階段有七成皮膚出現皮屑問題，他說：「靠打針，透過生物製劑治療好番95%，但係呢個病係冇得根治嘅，要有好嘅健康、做運動、作息定時去長期作戰。」
張頴康指藥費也構成一定負擔，最初第一針花費五萬，隨後長期要打針治愈，慶幸後現時可以個半月才打一次針，花費五千，惟有在其他地方節省開支。
張頴康指銀屑病是遺傳病，當年剛與太太拍拖突然發病不能落床，更要召喚救護車入院，他笑說：「佢都問我係咪去滾呀？」
太太麥雅緻笑著說：「當年嘅資訊唔多，冇接觸過呢個病，見佢啲皮膚出晒皮屑都嚇親，有啲醫生都問佢係咪生活唔檢點，後來睇專科皮膚醫生先證實係銀屑病。」
張頴康與麥雅緻育有一對子女，會否擔心銀屑病遺傳給一對仔女？
他說：「女就冇咁易遺傳，但當時知道第二胎係仔仔真係笑唔出，依家有生物製劑治療就冇咁擔心。」
(綜合報道 / on.cc)
