只見片中地上有以黃燈及玫瑰花瓣砌成心形圖案，心形外有寫着MARRY ME的立體字，而心形內則鋪滿玫瑰花瓣，片中男方正跪着地上、拿着戒指向女友求婚：「佢事前唔知，我籌備咗兩、三個月，最後都求婚成功。」
周秀娜舊愛陳偉成（Avis），自從與娜姐分手後，先後與o靚模尹蓁晞、台灣女友錢柏渝拍拖，又跟陳蕊蕊傳緋聞，感情生活可謂多姿多采。
呢日組合BOP成員Gordon就在其社交網站中，post出Avis向Model女友黃樂樂的求婚片段，搶先幫好友公佈婚訊。
把Avis當成是親生哥哥的Gordon，於IG story貼出Avis向女友求婚的短片，只見片中地上有以黃燈及玫瑰花瓣砌成心形圖案，心形外有寫着MARRY ME的立體字，而心形內則鋪滿玫瑰花瓣，片中的Avis正跪着地上、拿着戒指向女友求婚，而Gordon短片中寫着「SHE SAY YES, CONGRATULATIONS, MY BRO」
事後Gordon接受《蘋果》訪問時，表示自己當Avis是親生哥哥一樣，看到Avis求婚成功自己亦開心到喊：「Avis 對我嚟講係親生哥哥一樣，我自己冇哥哥，知佢結婚好開心，啱啱喺現場都好感動，唔小心流咗幾滴眼淚。希望呢個哥哥可以生多幾個BB出嚟畀我哋玩，希望可以自己組隊籃球隊，唔需要問人打唔打波，自己搵仔女玩就得。」
職業為Model的Avis女友黃樂樂曾做空姐，而身材媲美娜姐的她，亦不時在IG中post出性感照片。
準新郎Avis接受《蘋果》電話訪問，大講如何認識未婚妻：「我同樂樂半年前喺一個籃球比賽度認識，嗰陣睇朋友打波，好突然識佢。」兩人緣份就開始了，Avis大讚黃樂樂給他有特別感覺：「好想同佢組織一個家庭，今晚好驚喜求婚party，佢事前唔知，我籌備咗兩、三個月，最後都求婚成功。」
Avis帶了黃樂樂去餐廳，跟着播片，他講出真情表白，下跪獻花，感動女友點頭。問到Avis何時舉行婚禮，他說：「仲未知幾時搞，都要尊重老婆嘅意見，會返去同佢商量吓，到時會通知大家，thank you!」
之後Avis在社交網上載和女友咀嘴合照，他還捧住大束鮮花，相當浪漫。
(綜合報道)
