藝人陳凱琳出席代言美容集團活動，席間獲大會推出蛋糕，為她預祝23號28歲生日。談到老公鄭嘉穎早前透露會與她出旅行慶祝。
她開心表示：「呢份已經係最好嘅生日禮物，會帶埋BB一齊去。（第1次同佢出埠？）係呀，都擔心帶漏佢啲嘢多過帶漏自己行李，今晚先執，會帶埋工人姐姐去。（去邊度旅行？）都係陽光與海灘，去幾日囉。（生日願望？）身體健康。」
Grace又指忙湊B，未計劃拍劇，但卻有戲癮，問她是否接活動也賺了不少？她說：「唔好咁講，BB需要照顧，以為佢越大越乖，但係原來越大越曳，而家識扭計，一見爸爸就識扁嘴扭抱，爸爸會忍唔住抱，我就唔會，因為隻手就嚟斷，佢而家4個月有17磅，不過醫生話佢比例係啱，可能骨架重，越肥越得意。」
她坦言雖然有戲癮，但暫時不會接電視劇：「想花多啲時間陪住BB成長先。（啲為佢打算？）已經喺背後做咗好多嘢。（搵定學校？）朋友畀咗啲資料我喇，都有上網睇吓，一睇又停唔到。」
（綜合報道 / on.cc）
