藝人黎諾懿到荔枝角出席活動。
即場與小朋友設計T恤
他搞笑地於T恤寫字，叫兒子黎峰睿（小春雞）搵多啲錢畀爸爸使。
前日39歲生日的諾懿，被問到慶生活動時謂：「呢排減緊肥，瘦咗10磅，想放1日假，所以同老婆走咗去食炸雞，餘興節目同小春雞買車車。
（點解要減？）之前去馬來西亞拍節目，被請食野山榴連，1日食3個，返嚟驗身尿酸過高，最弊係畀老婆知道，依家每日早餐食嘅營養品似足碗飯，起碼10粒，不過佢都係關心我啫。」
談到生日願望，諾懿明言希望「身體健康」，談到小春雞送禮物，他笑答：「佢得兩歲，識得就好驚喜喇，我就想過兩年送份禮物畀佢，就係生個弟弟或妹妹啦。」
等你好消息呀！
(綜合報道)
