無綫藝員黃翠如昨日出席健康產品活動。
講到老公蕭正楠將在新劇中與曹永廉激咀，她笑說：「琴晚食飯佢提起，好似扮冇嘢咁，感覺好奇怪，不過我就嚟去拍旅遊節目，我唔喺度佢哋做乜都冇人知，哈哈。」
黃翠如自爆一直有血壓低問題，更試過在街邊暈倒，她笑說：「有一次同洪永城拍一場嗌交戲，佢見我手都震晒，以為我好激動，其實嗰朝空肚飲咗杯咖啡，血壓加上血糖低搞到手震 。」
人妻黃翠如指老公蕭正楠知道她身體不好，變身魔鬼教練逼她運動鍛練身體…
她笑說：「依家每個禮拜都最少打一次羽毛球，打完羽毛球仲要來回跑，佢真係好似魔鬼教練。有次跑步跌倒，佢仲問我係咪扮嘢唔想跑，我嬲咗成日。」
問到努力調養身體是否希望生BB？
她說：「之前雜誌話我去睇婦科，其實嗰個係黃浩然舅父，我哋上去派餅，佢唔係婦科，係好出名嘅情緒科、催眠醫生。」
(綜合報道 / on.cc)
