藝人吳君如同導演陳可辛育有一女陳是知，呢啲都係眾所周知嘅事，已經13歲嘅是知仲生得亭亭玉立，之前君如就大晒同囡囡嘅合照。
不過尋日母親節，君如都有做節出街食飯，仲喺社交網晒吹蠟燭片，而佢身邊就多咗位成年男子（唔係陳可辛），佢更寫到明對方係「my son」，自揭原來有個仔，即係是知原來有個阿哥！
君如喺社交網甫片，並寫道：「Happy Mother’s Day with my son」而片中見佢同男子平排坐，嗰位「仔仔」其實就係填詞人黃偉文，佢哋Friend到似「母子」。
咁啱黃偉文都係5月生日，佢哋一於齊齊吹蠟燭，二人仲默契十足，講好一齊吹但係又偷偷吸氣，玩足三次先真係吹蠟燭。
唔怪得兩個人見整蠱對方失敗即相視而笑，話唔係「母子」都冇人信啦！
(on.cc)
