藝人梁競徽於無綫劇集《鐵探》中飾演谷永正（快活谷）一角，受到不少內地及香港網民大讚，難怪他之前笑言守得雲開見月明。
此劇明天便大結局，而劇情亦相當緊張，之前已劇透谷永正被營長陷害，炸至重傷。而他的女友陸蔚喬（蔣祖曼飾）亦被綁着手炸死，情節相當慘情。
而競徽接受東網訪問時，坦言昨晚戴着面罩瞓於醫院的一幕，拍攝時的確令現場人士相當感動，而不少工作人員及攝影師都忍不住喊，而只憑「一隻眼」做戲的競徽，亦坦言這場戲不易做。
他謂：「拍時好多人都頂唔順，好傷感，拍呢場戲嘅難度係唔能夠講嘢，唔能夠郁動太多，仲要紮到好實，只得一對眼，好多限制，只可以喺牀上面典吓典吓，又講唔到嘢，只能發出好撕裂嘅叫聲…」
「拍時我聽到蔡思貝同袁偉豪啲對白，令個人都好進入狀態，對我情感發揮上好有幫助，所以自己都不由自主地撼落張牀度，亦因為戴住面罩，啲眼淚一出都索晒，所以表達上都係一個好大考驗，呢場戲我都好鍾意。」
(綜合報道 / on.cc)
